News

මහව සිට අනුරාධපුර දක්වා දුම්රිය මාර්ගයේ සංඥා සහ සන්නිවේදන පද්ධතිය නවීකරණය කිරීමේ ව්‍යාපෘතිය සඳහා කොන්ත්‍රාත් ගිවිසුම් අත්සන් කිරීම ප්‍රවාහන හා මහාමාර්ග අමාත්‍යංශ ශ්‍රවණාගාරයේ දී සිදු කෙරිණි.

ප්‍රවාහන හා මහමාර්ග අමාත්‍යංශය වෙනුවෙන් අමාත්‍යංශයේ වැඩ බලන ලේකම් එල්. එච්. තිලකරත්න මහතා සහ ඉන්දියානු රජය යටතේ ක්‍රියාත්මක වන ඉර්කෝන් ජාත්‍යන්තර සමාගම වෙනුවෙන් එහි අධ්‍යක්ෂ මණ්ඩලය නියෝජනය කරමින්පරාග් වර්මා මහතා විසින් මෙම ගිවිසුමට අත්සන් තැබීම සිදු කරන ලදි.

ඉන්දියානු එක්සිම් බැංකුව මගින් ඉන්දියානු ණය යෝජනා ක්‍රමය යටතේ ක්‍රියාත්මක කරන මෙම ව්‍යාපෘතිය වෙනුවෙන් වැය කෙරෙන මුදල ඇමෙරිකානු ඩොලර් මිලියන15 (රු. කෝටි 490)කි.

"ඉන්දියානු මහා කොමසාරිස් ගෝපාල් බාග්ලේ මහතා ශ්‍රි ලංකාවේ ඉතාමත් කිට්ටු හිතවතෙක්‌. ප්‍රවාහන හා මහාමාර්ග අමාත්‍යාංශය යටතේ නතර වී තිබූ ව්‍යාපෘති රාශියක් ඉදිරියට ගෙන යාම සඳහා එතුමන් විසින් අනුපමේය දායකත්වයක් ලබා දුන්නා. මෙම සියලු ව්‍යාපෘති සඳහා ටෙන්ඩර් කැඳවා අවසන් කර තිබෙන්නේ මා අමාත්‍යාංශයේ වගකීම භාර ගැනීමට පෙරයි.ඊට කැබිනට් අනුමැති හිමිවී තිබෙන්නේ 2015 වසරේදීයි. ටෙන්ඩර් කැඳවීම සිදුව තිබෙන්නේ 2018/19 වසර වල. ඉන් අනතුරුව මෙම ව්‍යාපෘතිය ආරම්භ කිරීම ප්‍රමාද කරමින් විවිධ බලවේග විසින් මෙම ව්‍යාපෘති දිගින් දිගටම කල් දැමීමට උත්සාහ කරනු ලැබුවා. කොවිඩ් 19 වසංගතය සහ ආර්ථික බිඳවැටීම් හේතුවෙන් තවදුරටත් අඩපන වූ මෙම ව්‍යාපෘතිය නැවත ආරම්භ කිරීම සඳහා අමාත්‍යවරයා ලෙස මමත් අමාත්‍යාංශයේ ලේකම්තුමා සහ දුම්රිය සාමාන්‍යාධිකාරිවරයා, ඉන්දියානු මහකොමසාරිස් තුමාගේ නිල නිවසට ගොස් එතුමා මුණ ගැසී සාකච්ඡාවක නිරත වුණා. එම අවස්ථාවේ කොන්දේසි විරහිතව නතර වී තිබුණු ව්‍යාපෘති නැවත ආරම්භ කිරීම සඳහා එතුමාගේ පූර්ණ දායකත්වය ලබා දීමට ඒ මොහොතේම පොරොන්දු වුණා.

ඒ අනුව එතුමා ඇතුළු නිලධාරීන්ගේ ද සහභාගිත්වයෙන් අනුරාධපුර ජය ශ්‍රී මහා බෝධීන් වහන්සේ අභියස ආගමික වතාවත්වල නිරත වීමෙන් අනතුරුව උතුරු දුම්රිය මාර්ගයේ සංවර්ධන කටයුතු ආරම්භකරනු ලැබුවා. ඒ අනුව අනුරාධපුර සිට ඕමන්ත දක්වා කොටසේ වැඩ කටයුතු මේ වන විට සම්පූර්ණයෙන්ම අවසන් කොට තිබෙනවා. එළඹෙන ජනවාරි මාසයේදී අනුරාධපුර සිට මහව දක්වා දුම්රිය මාර්ගයේ සංවර්ධන කටයුතු ද ආරම්භ කිරීමට පියවර ගන්නවා.

ඒ අතර ම ඇමරිකානු ඩොලර් මිලියන පහළොවක් වටිනා ඉතාමත් දියුණු තත්ත්වයේ සංඥා සහ සන්නිවේදන පද්ධතියක් වෙනුවෙන් ලබා දී තිබූ ටෙන්ඩරය ප්‍රායෝගිකව ක්‍රියාත්මක කිරීම සඳහා වන ගිවිසුම් අත්සන් කිරීම මේ මොහොතේ සිදු වනවා.ඒ අනුව එළඹෙන වසරේ ජූලි මාසය වන විට කොළඹ සිට කන්කසන්තුරේ දක්වා පැයට කිලෝමීටර් සියයක වේගයෙන් ධාවනය කළ හැකි දියුණු දුම්රිය මාර්ගයක් නිමකර එහි සම්පූර්ණ ගමන් කාලය පැය දෙකකින් පමණ අවම කිරීමට හැකි වනු ඇති බව මා විශ්වාස කරනවා. ඒ තුළින්ඉතාමත් කාර්යක්ෂම දුම්රිය සේවයක් ජනතාව වෙත ලබා දීමේ ශක්තිය ලැබෙනු ඇති බව මා විශ්වාස කරනවා.

ඒ සඳහා සහයෝගය ලබා දුන් ඉන්දියානු රජයට, අග්‍රාමාත්‍යතුමාට, ඉන්දියානු මහා කොමසාරිස් තුමාටත්ටත් ශ්‍රී ලංකාවේ ජනතාව වෙනුවෙන් මාගේ ස්තූතිය සහ ගෞරවය පිරිනැමීමට මෙය අවස්ථාවක් කරගන්නවා.එමෙන්ම දුම්රිය දෙපාර්තමේන්තුවට විශාල අඩුපාඩුවක් ව පවතින දුම්රිය එන්ජින් විස්සක් පමණ ලබාදීමට කටයුතු කරන ලෙස ඉන්දියානු මහකොමසාරිස්තුමාගෙන් මා ඉල්ලීමක්‌ සිදුකළා.ඒ අනුව දුම්රිය එන්ජින් විසි තුනක් පමණ ශ්‍රී ලංකාවට ලබා දීම පිළිබඳව කරුණු සලකා බලමින් පවතින බව මහ කොමසාරිස් තුමා මා වෙත දන්වා තිබෙනවා.

මේ සියලු සබඳතාවයන් සමගින් ශ්‍රී ලංකාව සහ ඉන්දියාව අතර පවතින දීර්ඝකාලීන මිත්‍රත්වය තවදුරටත් තහවුරු වනු ඇති බව මා විශ්වාස කරනවා."

ශ්‍රී ලංකාවේ ඉන්දියානු මහකොමසාරිස් ගෝපාල් භාග්ලේ මහතා, මහමාර්ග රාජ්‍ය අමාත්‍ය සිරිපාල ගම්ලත් මහතා, නැගෙනහිර පළාත් ආණ්ඩුකාර සෙන්දිල් තොණ්ඩමන් මහතා, ඉන්දියානු කොමසාරිස් කාර්යාලයේ ප්‍රථම ලේකම් ඉරිනා තාකුර් මහත්මිය, ප්‍රවාහන හා මහාමාර්ග අමාත්‍යංශයේ වැඩබලන ලේකම් එල් එච් තිලකරත්න මහතා, ඉර්කොන් සමාගමේ අධ්‍යක්ෂ මණ්ඩලය නියෝජනය කරමින් පරාග් වර්මා මහතා,ආනන්ද් කුමාර් සිං මහතා ඇතුළු නියෝජිතයින්, අමාත්‍යංශ නිලධාරීන් ඇතුළු පිරිසක් මෙම ගිවිසුම අත්සන් කිරීමේ අවස්ථාව සඳහා එක්ව සිටියහ.

මාර්ග ආරක්ෂාව පිළිබඳ ජාතික සභාව විසින් මාර්ග අනතුරු අවම කර ගැනීමේ වැඩපිළිවෙළ යටතේ පෙර පාසල් සහ පාසල් ප්‍රාථමික අංශයේ දි දිවයින පුරා පිහිටි සියලුම පෙර පාසල්වල දරුවන්ටමාර්ග නීති පිළිබඳදැනුවත් කිරීමේ වැඩපිළිවෙලක් සැලසුම් කර ඇති අතර එහි මූලික සමාරම්භක අවස්ථාව ලෝක ළමා දිනයනිමිති කොටගෙන විහාර මහා දේවී උද්‍යානයේ ළමා ඒකක පරිශ්‍රයේදී පැවැත්විණි එම අවස්ථාව සදහා සහභාගි වු අවස්ථාව .

මෙහිදී ගම්පහ දිස්ත්‍රික්කයේඅත්තනගල්ල කොට්ඨාශයේ පාසල් හතරක (නිකහැටිකන්ද කනිෂ්ඨ විද්‍යාලය ,යටවරකණිෂ්ඨ විද්‍යාලය,බෝපාගම කනිෂ්ඨ විද්‍යාලය ,රතඹලේ කණිෂ්ඨ විද්‍යාලය) දරුවන් මෙම අවස්ථාව සදහා සහභාගි විය.

මෙම අවස්ථාව සඳහා මාර්ග ආරක්ෂාව පිළිබඳ ජාතික සභාවේ සභාපති මලිත් ජයතිලක මහතා,ඉන්දික හපුගොඩ නියෝජ්‍ය පොලිස්පති( රථවාහන හා මාර්ග ආරක්ෂාව),පී.එච් චන්ද්‍රපාල අධ්‍යක්ෂ ඉංජිනේරු (කොළඹ මහ නගර සභාව )නිලධාරීන් ඇතුළුව දෙමාපියන් පිරිසක් සහභාගි විය.

" දිනකට ලක්ෂ 50 ක ආදායමක් ලංගමට අහිමි කරමින් ධාවනයෙන් ඉවත් කර ඇති අධි සුඛෝපභෝගී බස්රථ 50ක් ඉතිරි මාස හය තුළ නැවත ධාවනයට එක් කරනවා. "

ලංකා ගමනාගමන මණ්ඩලයට අයත් කටුබැද්ද අධි සුඛෝපබෝගී සංචාරක ප්‍රවාහන සේවා ආයතනයේ බස්රථ අංගනයේ විශේෂ නිරීක්ෂණයකට එක්විය. විවිධ කාර්මික දෝෂ, අමතර කොටස් හිඟය ඇතුළු ගැටළු හේතුවෙන් දැනට ධාවනය සිදු නොකරන බස්රථ පනහකට අධික ප්‍රමාණයක් මෙම අංගනයේ ගාල් කර ඇත. ලංගම වෙත විශාල ලාභයක් දෛනිකව අහිමි කරන මෙම බස් රථ කඩිනමින් අලුත්වැඩියා කර නැවත ධාවන තත්ත්වයට පත් කිරීමසඳහා උපදේශකවරයෙකු ලෙස ඉංජිනේරු කුෂාන් වෑගොඩපොල මහතා පත්කර ඇති අතර ඉදිරි මාස හය තුළ මෙම බස් රථ නැවත ධාවන තත්ත්වයට එක් කිරීමේ වගකීම ඔහු වෙත පවරා තිබෙනවා.

"ලංකාවේ පැවැත්වූ පොදු රාජ්‍ය මණ්ඩල සමුළුවේප්‍රවාහන පහසුකම් ලබාදීම වෙනුවෙන් රජයේ මගින් මෙරටට ගෙන්වන ලද බස්රථ මීට වසර දහයකට පෙර ලංකා ගමනාගමන මණ්ඩලය වෙත භාරදී තිබෙනවා. එම බස්රථවල සහතික කරන ලද කාලය වසර 8ක්‌.මේ වන විට එම බස්රථ වසර දහයකට වඩා පැරණියි. දිනකට රුපියල් ලක්ෂයකට වඩා ශුද්ධ ලාභයක් ඉපයිය හැකි මෙම බස් රථ 50 කට අධික ප්‍රමාණයක් කටුබැද්ද අංගනයේ ගාල්කර තිබෙනවා. ඒවා අලුත්වැඩියා කර ගැනීමේ හැකියාවක් නැහැ. ලංගම සභාපතිවරයා මෙම බස් රථය නැවත ධාවන තත්ත්වයට ගෙන ඒම සඳහා විශේෂ උත්සාහයක නිරත වුණා.මෙම බස් රථ මේ ආකාරයෙන් ගාල් කර තබන එක් දිනකට ලංකා ගමනාගමන මණ්ඩලයට රුපියල් ලක්ෂ 50ක පාඩුවක් සිදු වනවා.

ඒ පිළිබඳ විශේෂ සොයා බැලීමකින් අනතුරුව ඉතිරි මාස හයක කාලය තුළ මෙම බස් රථ 50 නැවත ධාවනයට එක් කිරීමට හැකි වන ආකාරයේ වැඩපිළිවෙළක් සඳහාමෝටර් රථ යාන්ත්‍රික ඉංජිනේරු ක්ෂේත්‍රය පිළිබඳව කැනඩාවේ දීර්ඝකාලීන අධ්‍යාපනය හදාරා, ඉහළ සුදුසුකම් සහ දීර්ඝකාලීන අත්දැකීම් සහිත, ලක්දිව ඉංජිනේරු සමාගමේ හිටපු සභාපති ඉංජිනේරු කුෂාන් වෑගොඩපොල මහතා උපදේශකවරයෙකු ලෙස ලංගම අධි සුඛෝපබෝගී සංචාරක ප්‍රවාහන ආයතනය වෙත පත්කරනු ලැබුවා.

මීට අවශ්‍ය උපදෙස් ලබාදෙමින් මෙම බස් රථ නිෂ්පාදනය කරන චීන සමාගම් සමඟ සාකච්ඡා සිදු කර, අවශ්‍ය අමතර කොටස් ලබා ගනිමින්, ඉදිරි මාස හය තුළ මෙම වටිනා බස් රථ නැවත ධාවන තත්ත්වයට පත් කිරීමේ වගකීම එතුමාට පවරා තිබෙනවා.

මීට පෙර මේ සම්බන්ධව දරා ඇති සියලුම උත්සාහයන් ව්‍යාර්ථ වී ගොස් තිබෙනවා. මේ ආකාරයෙන් කාලයක් පවතින විට මේ බස්රථ තවදුරටත් දිරාපත්වී ප්‍රයෝජනයක් ගැනීමට නොහැකි තත්ත්වයට පත්වීම වැළැක්විය නොහැකියි.එලෙස විශාල ජාතික හානියක් සිදුවීම වළක්වා ගැනීම සඳහා විෂය භාර අමාත්‍යවරයා ලෙස ගමනාගමන මණ්ඩල පනත යටතේ පැවරෙන බලතල ප්‍රකාරව මේ පියවර ගනු ලැබුවා."

සමුලුවේ සමාරම්භක සැසිය අමතමින් ‘තිරසාර ප්‍රවාහනය - ගෝලීය සංවර්ධනය ප්‍රවර්ධනය උදෙසා එක්ව කටයුතු කිරීම’ යන තේමාව යටතේ දේශනය සිදු කරන ලදි.

සමුළුව අමතමින් සිදුකළ කථාව

ගෝලීය තිරසර ප්‍රවාහන සංසදය කඩිනම් ආර්ථික ප්‍රකෘතිමත් කිරීමක් සහ සංවර්ධනය කරා රට ගෙන යන ගමනේ අත්‍යවශ්‍ය අංගයක් වන තිරසාර ප්‍රවාහන පද්ධතියක් සඳහා ශ්‍රී ලංකාවේ අදහස් ඉදිරිපත් කිරීමට ලැබෙන ස්වර්ණමය අවස්ථාවක්.

ගෝලීය තිරසර ප්‍රවාහන සංසදය යනු බස් රථ සහ දුම්රිය මත දැඩි ලෙස රඳා පවතින ශ්‍රී ලංකාවේ පොදු ප්‍රවාහන පද්ධතිය පිළිබඳව ගැඹුරින් සාකච්ඡා කෙරෙන වේදිකාවක්‌.මෙම පොදු ප්‍රවාහන මාධ්‍ය හරහාමගීන්ගෙන් 73%ක් සඳහා සේවා සපයන ඉන් 68%ක් භාවිතා කරන්නේ පොදු මගී ප්‍රවාහන බස්රථයි. ශ්‍රී ලංකා දුම්රිය සේවය වසරකට මගීන් මිලියන 120කට ගමනාගමන සේවා සපයමින්මගී ඉල්ලුමෙන් 5%ක් පමණක් සපයයි. මාර්ග ප්‍රවාහනය, භාණ්ඩ ප්‍රවාහනයෙන් 99% කට ආසන්න ප්‍රමාණයක් හසුරුවන අතර එය ශ්‍රී ලංකාවේ ප්‍රවාහනයේ ප්‍රමුඛතම මාදිලිය බවට පත්ව ඇත.

මේ වන විට ශ්‍රී ලංකාවේ ක්‍රියාකාරී මාර්ග වාහන ඇණිය මිලියන 6.3 ක් වන අතර ඒ අතරින්බස් රථ නියෝජනය කරන්නේ 1% ක් පමණි. එයින් දළ දේශීය නිෂ්පාදනයට 14% ක දායකත්වයක් හිමි වන අතර රැකියා අවස්ථා අතරින් 4% ක් පමණ බිහි කරයි. එසේම මෙම ක්ෂේත්‍රය මාර්ග තදබදය, මාර්ග ආරක්ෂාව සහ පරිසර දූෂණය වැනි ගැටළු රැසකට මුහුණ දෙයි. රටේ මාර්ග ජාලය A සහ B පන්තියේ මාර්ග සහ අධිවේගී මාර්ග කිලෝමීටර් 12,496,337 කින් සමන්විත වන අතර, එය ඵලදායිතාවයට බලපාන අසමතුලිත හා මාර්ග තදබදය වෙතයම් ආකාරයක බලපෑම් සිදු කරනු ලබයි.

ශ්‍රී ලංකාවේ ප්‍රවාහනය සඳහා අවශ්‍ය සියලුම ඉන්ධන ආනයනය කරනු ලබන අතර බොහෝ වාහන ICE බලයෙන් ක්‍රියාත්මක වන අතර එය ආර්ථික පසුබෑමට හේතුවක් වේ. ශ්‍රී ලංකාව මෑතකදී Euro 4 විමෝචන ප්‍රමිතීන් අනුගමනය කළ නමුත් අකාර්යක්ෂම වාහන ඉහළ පරිසර දූෂණයට සහ හරිතාගාර වායු විමෝචනයට හේතු වේ.

පොදු ප්‍රවාහනය වැඩිදියුණු කිරීමට ප්‍රබල ආයෝජන සහ උත්සාහයන්දැරුවත්අවම ගුණාත්මක බව, අවම සුවපහසුව, මන්දගාමී වේගය, නිරන්තර ප්‍රමාදය, අවම කාර්යක්ෂමතාව, සේවාව ලබාගැනීමේ හැකියාව අවම වීම සහ ප්‍රමාණාත්මක බවේ හිඟය සමඟ පොදු ප්‍රවාහන සේවය අපේක්ෂිත තත්ත්වයට වඩාවඩා අවම මට්ටමක පවතී. එතුලින් ආර්ථිකයට, පරිසරයට සහ සමාජයට සිදුකරන බලපෑම හමුවේ, මගීන් වැඩි ප්‍රමාණයක්පොදු ප්‍රවාහනයෙන් සිට පුද්ගලික ක්‍රම වෙත නැඹුරුවීමට හේතු වී ඇත.

ප්‍රවාහන අමාත්‍යාංශය මගී සහ භාණ්ඩ ප්‍රවාහනය වැඩිදියුණු කිරීම සඳහා සුවිශේෂී ක්ෂේත්‍ර රැසක් හඳුනාගෙන තිබෙනවා.ඒ වෙනුවෙන් යම් යම් ක්‍රියාමාර්ග මේ වන විට ආරම්භ කර හෝ ක්‍රියාත්මක කර තිබෙනවා. ආර්ථික අර්බුදය මධ්‍යයේ වුවද, ශ්‍රී ලංකාව යටිතල පහසුකම් සංවර්ධනය සඳහා සිය ආයෝජන ආකෘතිය වෙනස් කර ඇති අතර ප්‍රවාහන ගැටළු විසඳීම සඳහා රාජ්‍ය-පෞද්ගලික හවුල්කාරිත්වය (PPPs) හරහා සංවර්ධන ආයෝජන සඳහා හිතකර වාතාවරණයක් නිර්මාණය කර ඇත.

ශ්‍රී ලංකා ආර්ථිකයේ අනාගත සංවර්ධනය සහ ප්‍රසාරණය සඳහා වඩාත් කාර්යක්ෂම ප්‍රවාහන ජාලයක් අත්‍යවශ්‍ය වන අතර චයිනා හාබර් ඉංජිනේරු සමාගම විසින් සිදු කිරීමට නියමිත NKBA කුළුණු මත දිවෙන අධිවේගී මාර්ගය අධිවේගී මාර්ග ජාලයට සම්බන්ධ කිරීම සඳහා විශිෂ්ට සම්බන්ධතාවයක් බව විශේෂයෙන් සිහිපත් කළ යුතුයි. එමගින්කොළඹ වාණිජ කේන්ද්‍රය වරාය නගරයේ සිට ගුවන් තොටුපළ, අධිවේගී මාර්ගය, පාර්ලිමේන්තුව, කොළඹ පිටත වටරවුම් අධිවේගී මාර්ගය සහ දක්ෂිණ අධිවේගී මාර්ගය එකට සම්බන්ධ කෙරෙනු ඇති.

ගෝලීය හරිතාගාර වායු විමෝචනය සඳහා අවම දායකත්වයක් ලබා දී තිබියදීත්, ශ්‍රී ලංකාව තමන්ගේම අභියෝගයන්ට මුහුණ දී සිටී. ශ්‍රී ලංකාව රටක් ලෙස පැරිස් සම්මුතියේ විමෝචනය අඩු කිරීමේ ඉලක්ක ආරක්ෂා කිරීමේ වගකීම පිළිගෙන තිබෙනවා. 14.5% ක හරිතාගාර වායු විමෝචනය අඩු කිරීමේ කැපවීම ප්‍රකාශ කරමින් රට සිය ජාතික සංවර්ධන ඉලක්ක (NDC) දේශගුණික විපර්යාස පිළිබඳ එක්සත් ජාතීන්ගේ සම්මුතිය(UNFCCC) වෙත ඉදිරිපත් කර ඇත. ඊට පිළියමක් ලෙස ශ්‍රී ලංකාව විද්‍යුත් වාහන (EV) භාවිතය වඩාත් ප්‍රචලිත කිරීමටත්, දැනට පවතින ත්‍රිරෝද රථ විදුලි බලයෙන් ක්‍රියාත්මක වන ඒවා බවට පරිවර්තනයකිරීමටත්, පොදු ප්‍රවාහනය වඩාත් කාර්යක්ෂම විදුලි බස් රථ වෙත හුවමාරු කිරීම සඳහාත්කටයුතු කරමින් සිටී.

“පොදු ප්‍රවාහනය සඳහා විදුලි සංචරණය වෙත සංක්‍රමණය වේගවත් කිරීම” ව්‍යාපෘතියට සහාය වීම සඳහා ශ්‍රී ලංකාව මේ වන විටත් විද්‍යුත් වාහන ප්‍රතිපත්තියක් කෙටුම්පත් කිරීමේ ක්‍රියාවලියක නිරත වෙමින් සිටි.

මාර්ග තදබදය සහ අනවශ්‍ය ගමන් බිමන් අවම කිරීම සඳහා ප්‍රධාන මාර්ග මාර්ග ඔස්සේ බහුවිධ ප්‍රවාහන මධ්‍යස්ථාන සැලසුම් කර ඇත. එහි පළමු මධ්‍යස්ථානය කොළඹට තදාසන්නමාකුඹුර හි පිහිටි බහුවිධ ප්‍රවාහන මධ්‍යස්ථානය තුළ , මගේ ජනතාව සහ වාහන පදවන්නන් සඳහාවාහන නවතා යෑමේ පහසුව( park and ride) ඇතුළු සේවාවන් රැසක්ස්ථාපනය කර ඇත. මගී ආකර්ෂණය වර්ධනය සඳහාත්, නඩත්තු කාර්යක්ෂමතාව, මෙහෙයුම් කාර්යක්ෂමතාව සහ මගී ආරක්ෂාව වැඩි දියුණු කිරීම සඳහා බස් රථ සහ දුම්රිය යන අංශ දෙකෙහිමනවීකරණ රාශියක් සිදු කර ඇත. ශ්‍රී ලංකා ගමනාගමන මණ්ඩලය විසින් ග්‍රාමීය ප්‍රජාවගේ ප්‍රයෝජනය සඳහා ග්‍රාමීය ප්‍රදේශවල ධාවනයට ආසන 38 කින් යුත් බස්රථ අලුතින් එක් කර තිබෙනවා.

ඩිජිටල් ගෙවීම් ක්‍රමවේද,කාඩ්පත් සහ බස් රථ සඳහාජීපීඑස් පද්ධති ස්ථාපනය ඇතුළු කාර්යක්ෂම ප්‍රවාහන මෙහෙයුම් සඳහා ඩිජිටල් තාක්‍ෂණය ඒකාබද්ධ කිරීමට ප්‍රවාහන අමාත්‍යාංශය සිය ප්‍රවාහන ආයතනවලට සහාය ලබා දී ඇත. සැහැල්ලු දුම්රිය ව්‍යාපෘතිය (LRT) රාජ්‍ය සහ පුද්ගලික ඒකාබද්ධ ව්‍යාපෘතියක් ලෙස නැවත ආරම්භ කිරීමට සාකච්ඡා සිදු වෙමින් පවතින අතර, පොදු ප්‍රවාහනය සඳහා විද්‍යුත් සංචරණය වෙත හුවමාරුවීම සඳහා මේ වන විට විද්‍යුත් වාහන ප්‍රතිපත්තියක් ද කෙටුම්පත් කරමින් සිටී.

එක් තීරයක් එක් මාවතක් (One Belt One Road) (OBOR) යනු ආසියාව, අප්‍රිකාව සහ යුරෝපය යන මහාද්වීප පුරා විසිරී ඇති රටවල් කිහිපයක් අතර සම්බන්ධතාවය සහ සහයෝගීතාව වැඩිදියුණු කිරීම කෙරෙහි අවධානය යොමු කරන අභිලාෂකාමී ආර්ථික සංවර්ධන සහ වාණිජ ව්‍යාපෘතියකි. ඒ සඳහා ශ්‍රී ලංකාව අඛණ්ඩව සහාය පළ කරමින් සිටී.

මෙම ප්‍රවාහන ව්‍යාපෘති සාර්ථකව ක්‍රියාත්මක කිරීම තිරසාර ආර්ථික සංවර්ධනයක් සහ යහපත් අනාගතයක් සාක්ෂාත් කර ගැනීම උදෙසා උපකාරී වනු ඇති බව මා විශ්වාස කරනවා.